DEPORTE ESCOLAR-XOGADE

O noso proxecto (Programa XOGADE-PDC) atópase integrado dentro do Plan Proxecta, o cal é unha iniciativa da Consellería de Educación, Universidade e Formación Profesional, en colaboración con diferentes organismos, dirixida a fomentar a innovación educativa nos centros a través de programas educativos que desenvolvan as competencias clave como eixe do currículo e os elementos transversais, nos cales se inclúe a educación en valores.

Concretamente, o Programa Xogade, trátase dun plan que está fomentado e dirixido polo Secretaría Xeral para o de Deporte, e que busca busca un avance nas dinámicas de mellora da calidade educativa e favorecer a innovación nos propios centros a través de programas externos que leven á motivación e ao traballo activo, cooperativo e en rede, do alumnado e do profesorado implicado. Para iso, un dos principais obxectivos deste plan é promover a realización de proxectos interdisciplinarios que poidan servir de modelo de traballo ou de boa práctica, tanto para o propio centro en que se orixinan como para o resto da comunidade educativa galega.

Tal e coma marca a vixente Lei Orgánica 8/2013, do 9 de decembro, e na súa disposición adicional cuarta sobre a “Promoción da actividade física e a dieta equilibrada” e do mesmo xeito que se atopa publicado no DOG nº 171 do martes 9 de setembro de 2014 no seu Artigo 20., os mestres da especialidade de Educación Física deste centro educativo, tratamos de seguir outro curso máis, na medida das posibilidades, adiante con esta iniciativa do Programa XOGADE, e cos obxectivos marcados a inicios de cada curso dentro da programación tanto da nosa área de Educación Física coma neste programa.

Do mesmo xeito, sempre se intentaron seguir e construír modelos de mellora mediante proxectos interdisciplinares integrados na programación xeral anual e nas programacións do profesorado participante que teñan un alto potencial de transferibilidade tanto no propio centro coma na comunidade educativa.

O noso centro e o noso proxecto atópanse integrados dentro da Asociación Deportiva Escolar do Condado e Paradanta, constituída por todos os centros educativos participantes na comarca e que é a  que organiza, coordina e participa en diversos encontros deportivos nos que @s nen@s dos diferentes colexios atópanse, intercambian experiencias e conviven nun entorno físico-saudable.

Os mestres e mestras que formamos parte desta agrupación temos coma finalidade que a actividade física chegue a ser un hábito na nosa comunidade educativa fomentando a súa práctica desde a infancia nos ámbitos educativo e familiar, fundamental para o futuro estilo de vida e a consolidación de hábitos físico-deportivos saudables.

PROFESORADO PARTICIPANTE E RESPONSABLE DO NOSO CENTRO:

JOSÉ LUÍS SOTO RODRÍGUEZ (COORDINADOR. MESTRE DE E.F.)

PATRICIA GONZÁLEZ FREITAS (MESTRA DE E.F.)

GERVASIO GARCÍA RAMÓN (MESTRES P.T.)